ازاي تبقى رزل مع اخوك

ازاي تبقى رزل مع اخوك

طلع عليه اسم يستفزه وناديه بيه .. سميه مثلا دبانه واستلمه بقى رايح فين يادبانه ..

جاي منين يادبانه واقعد بقى ارحمني ولا ناوي تقلب دبانه بحق وحقيقي ,, حاول تفكره

بالمواقف بتاعة زمان اللي بتضايقه زي علقه حلوه كده من بابا وماما

هات اي حاجه بيحبها زي مثلا شكولاته .. كل لما تدخل البيت هات وحده في ايدك وكلها

قدامه واوعا اوعا تديله حته ازعل منك والله .. وانت داخل البيت وتعبان من المشوار

اللي كنت فيه تلاقيه قاعد في البيت زي حيلتها ملوش لازمه وانت طلعان عينك ..

قوله على فكره واحد صحبك مستنيك تحت متقولهوش هو مين .. يمكن يتصل بيه

ويقوله اطلع وانت كده متبقاش رخم ازاي؟؟ ودي تيجي؟؟ قوله واحد انا عارف

شكله بس مش عارف اسمه وخليه ينزل ويطلع تاني

ولو انت الكبير كل اما تشوف وشه قوله ايه مالك كبرت على الضرب ولا ايه ..

اطمن الكلمه دي مستفزه جدا .. بس خلي بالك احتمال يرميك بحاجه في وشك

لو انت قاعد في البيت وحسيت ان وراه مشوار مهم .. خد موبايله خبيه وسيبه بقى

يطنطط ويدور عليه براحته .. وانت برده عيب عليك ده اخوك مفيش مانع انك تساله

انت بتدور على ايه؟؟ تحب اقوم ادور معاك؟؟ وخليك مكانك

ولو نايم بالله عليك ياشيخ وحياة تعبي والاربع الحصص اللي فاتو ماتسيبو كده ..

اديلو نصيبه ,, واعتقد ان فيه طرق كتير ماشاء الله .. بس برده للي معندهوش خبره

,, مفيش مانع انك تفتح النور والباب شغل اعلى نغمه على موبايلك قال يعني

حد بيتصل بيك .. وخبط ورزع براحتك ,, هيقولك ايييييييييييه؟؟؟ قوله معلش قلقتك ؟

اصل انا بدور على حاجه مهمه جدا اوعدك هخلص واخرج على طول ..

وعيش حياتك بقى , مفيش مانع انك تدور تحت المخده اللي نايم عليها او برده

يمكن تكون تحت المرتبه اللي نايم عليها اخوك !!! مين عارف

لو انت واخوك عندكو نفس نوع الموبايل حاول فضي بطاريتك على اد ماتقدر بس

اتاكد الاول انه وراه معاد مهم اوي وبعدين بدل بطاريتك ببطاريته والمسكين

مع اول اتصال من صاحب المعاد عشان يستعجلو بيصتدم بالواقع المرير وموبايله

يفصل شحن .. هيقولك ازااااااي؟؟ ده انا حاطه في الشحن من الصبح اااااااااه ..

قوله معلش الدنيا دي فيها حاجات غريبه يااخي .. هيقولك اديني بطاريتك

مستعجل يالا , اوعى تفرط في بطاريتك هي صحيح بطاريته بس انت برده

وراك مشاغل فكك منه ياعم

ولو اخوك شاري لبس جديد قوم من الفجر البسه وانزل بيه ..

ولو اتصل بيك قوله اصل انا كنت مستعجل الصبح اوي فلقيته قدامي وبعد كده

ابقى انضف شويه واشتري هدوم عدله عشان لو اتزنقت تاني الاقي حاجه البسها ده

ايه القرف ده ؟؟ واقفل في وشه بالمره بلا قرف ,, مش شرط يكون لبس بس تكون اي

حاجه جديده لسه فرحان بيها حط عليها بصمتك السحريه .. تمام يامعلم؟

وبالنسبه بقى للكمبيوتر اكيد ليه نصيب معانا .. امسح كل اللي بيحبه افلام

اغاني صور .....المهم ظبطه ..ولو قالك حاجه قوله كنت مشغل الانتي فيرس واكيد

اتمسحو اكيد فيهم فيرس بوظلنا بقى الجهاز .... لو واخد معاد مع حبيبته انهم يتكلمو

عالنت الساعه 10 مثلا اوعا اوعا تسيبه في حاله ازعل منك والله ....

قعد من اول النهار ذاكر وحاول تبين لمامتك وباباك تفوقك والراجل والست

رايحين جايين يدعولك وانت تقول آآآآآآمييين .. عالساعه 9:59 قوم قول بصوت

عالي اما اقوم بقى اقعد عالكمبيوتر شويه .. اكيد اخوك هيبص في ساعته ويقولك لا

انا هقعد دلوقتي .. دب معاه خناقه ماهو اصل مش هينفع كده انت قاعد بتذاكر

من الصبح وطلعان عينك .. لازم حبه فرفشه كده

هيقولك عشان خطري وهيحاول يتفاهم معاك وانت تنح وقوله لا يمكن

لحد ما باباك ييجي ويقول ايه ياولاد فيه ايه ؟؟ ..يبقى انت كده يارخم

يارزل ضيعت عليه الليله وقعدته يذاكر

هههههههههههههههههه دة انت كدة عايزنا نتقتل ولا نترمى من الشباك وبعدين هو فى حد رزل للدرجادى

» ازاي تحرق دم مراتك !!!!! للازواج فقط ؟؟؟؟
» ازاى تبقى رذل فى الكلية