عارف يعنى ايه بحبك
عارف يعنى ايه بحبك يعنى لما تكتب ستاتيس ع الفيس اشوف فى بنات عاملين لايك او كومنت وادخل على بروفايلهم اشوف دول اكبر ولا اصغر منك ولو اصغر منك ابقى حتجنن اصلا من حبى ليك
عارف يعنى ايه بحبك يعنى اصحى من النوم ادخل على بروفايلك اشوفك صحيت ولا لأ واطمن عليك
عارف يعنى ايه بحبك يعنى ابقى طول اليوم قلقانة عليك مش عارفة انت كويس ولا لأ بتاكل ولا مش بتاكل وادعيلك كل يوم ربنا يكرمك ويفتحها عليك ويجعلك ف كل خطوة سلامة
عارف يعنى ايه بحبك يعنى ولا اكل ولا اشرب الا اطمن انك رجعت البيت و اكلت وبعدها ابقى عاوزة اكلمك مش مهم الاكل ولا الشرب المهم اطمن عليك
عارف يعنى ايه بحبك يعنى ابقى بموت لو حسيت انك مضايق او فى حاجة مزعلاك وادعى ربنا انى اكون مكانك
عارف يعنى ايه بحبك يعنى مش احس براحة ولا بفرحة غير وانا بكلمك ولو شايلة هموم الدنيا كلها بتروح اول ما اكلمك
عارف يعنى ايه بحبك يعنى ابقى عارفة ان قلبك مش معايا بس برضوا حفضل احبك واتمنالك كل خير
عارف يعنى ايه بحبك يعنى تبقى واحشنى اووووووى وعارفة انك مفكرتش فيا للحظة حتى
عارف يعنى ايه بحبك يعنى ابقى عارفة ان صحابك البنات بيكلموك او بتكلمهم وابقى بموت من غيرتى عليك بس استحمل واشيل جوايا واقول كفايا عليا انى بكلمك
عارف يعنى ايه بحبك يعنى لو فضلت اكتب من هنا للصبح عارفة ان كلامى مش حيأثر فيك بس برضوا حفضل اكتب عشان بحبك
عارف يعنى ايه بحبك يعنى ادعيلك ف كل سجدة ربنا يجعلك من نصيبى ولو مليش معاك خير ربنا يجعل فيك الخير وتكون من نصيبى
يعنى افضل ادعى ربنا ان ربنا يسعدك دايما ومتضايقش ابدا و ادعيلك براحة البال وانا عارفة انك عمرك ما افتكرتنى ف صلاتك بأى دعوة
عارف يعنى ايه بحبك يعنى لو فضلت اكتب طول حياتى عشان اعبر عن حبى ليك مش حعرف اكتب عشان انت حاجة كبيرة اوى عندى مع انى عارفة انى بالنسبة ليك زى اى حد بس انا مش مستنية منك اى حاجة غير ان ربنا يسعدك ويوفقك وتكون دايما مبسوط ف حياتك
عارف يعنى ايه بحبك يعنى ادعى ربنا انى اتعب ولا يجرالى حاجة عشان احس بس انك قلقان عليا وبتطمن عليا
عارف يعنى ايه بحبك يعنى اكون بحبك من قبل ما اشوفك ولما اشوفك احس انى اعرفك من زمان اوى واحبك اكتر واكتر
عارف يعنى ايه بحبك يعنى بكتب وانا عارفة ان كلامى ده ممكن يأثر فى ناس كتير اووووى بس ميأثرش فيك عشان انت محبتنيش بجد